RSS icon Email icon
  • കാത്തിരിപ്പ്…

    Posted on May 2nd, 2010 adi 2 comments

    “കലാലയത്തിന്‍ നീണ്ട ഇടനാഴിയില്‍…

    നിന്‍ കൊലുസ്സിന്റെ താളവും കാതോര്‍ത്തിരുന്നു ഞാന്‍

    വാകമരത്തിന്‍ തണല്‍ വീണ വഴികളില്‍

    എന്നെ തഴുകിത്തലോടിയിരുന്ന തെന്നലില്‍-

    നിന്‍ സുഗന്ധത്തേ പുല്‍കീ ഞാന്‍ …

    തൊട്ടുരുമ്മി വെറുതേ വാചാലരായിരിക്കുമ്പോള്‍

    നിന്‍ മുടിയിഴയാലുള്ള തലോടലിനായി കൊതിച്ചൂ ഞാന്‍

    ഒരു കൊച്ചു പിണക്കത്തില്‍ ഈറനണിഞ്ഞ മിഴികളുമായീ-

    നെഞ്ചുരുകിയിരിക്കുമ്പോള്‍…

    പരിഭവത്താല്‍ വിതുമ്പുന്ന ചുണ്ടിലൊരു-

    പുഞ്ചിരിക്കായീ തപസ്സിരുന്നൂ ഞാന്‍ …

    നീണ്ട വേനലവധിയില്‍…

    നിന്റെ സന്ദേശങ്ങളും…

    നിന്റെ വിളിയുടെ മണിനാഥവും …

    നിന്‍ കിളിക്കൊഞ്ചലും, പരിഭവങ്ങളും…

    സ്വപ്നം കണ്ടിരുന്നൂ ഞാന്‍

    അവധിക്കൊടുവില്‍ നിന്നേയും വഹിച്ചെത്തുന്ന ശകടത്തിന്‍-

    ഇരമ്പവും പുഞ്ചിരി പൊഴിക്കും നിന്‍ മുഖവും…

    കാത്തു ഞാന്‍ നിന്നൂ…

    ഒടുവില്‍, ഇനിയൊരിക്കലും കാണില്ലെന്നറിയാമെങ്കിലും…

    ഇനിയും കാണാമെന്നോതി നീയകന്നിട്ടും…

    നീ ഒരിക്കലും വരാനിടയില്ലാത്ത വഴിക‍ളില്‍ പോലും-

    ഇന്നും ഞാന്‍ നിന്നേയും കാത്തിരിക്കുന്നൂ…”

    -ആദി്‍

     

    2 responses to “കാത്തിരിപ്പ്…” RSS icon


    Leave a reply